| | 〈寫於七一之後〉
七一遊行之後有逾百人堅持留低響政府總部，要求就政改問題與曾蔭權對話。
佢地並要求政府交代清楚，點解今日巡遊數字警方無交代數字，其他就有交代數字。
警方於晚上落閘，禁止遊行人士進入，圍困現場靜坐抗議人士，並對佢地斷水斷糧。
有聲援人士想將食物同水在鐵閘外傳俾抗議人士，被警方阻止。
更有警員將聲援人士之食物搶走﹗
凌晨一時三十分，過百警方開始清場，將在場人士逐一抬走。
一個小時左右，清場行動結束。
23個泛民立法會議員，只有長毛留守到最後、堅持到最後。
而我下晝行到政府總部既時候，竟然乖乖聽左主辦單位民陣既呼籲，和平散去﹗
諗返都覺得好後悔﹗點解我冇留低堅持呢﹖點解要戇鳩鳩聽左民陣既呼籲呢﹖
民陣年年都係咁安排，香港人年年都係遊行得咁和平，行完就走，要行到幾時呢﹖
成件事可以睇出一樣野，就係泛民笨柒，警犬戇鳩。
香港人太過溫和，一年出來一次遊行流少少汗就諗住爭取到民主，真係好傻好天真。
全世界政府永遠係欺善怕惡，你要反對佢就應該擺出更高姿態，唔好"見好就收"。
而家香港人參加七一好似成為左一種習慣，行完就返屋企，咁又過一日，就可以心安理得，覺得自己都已經出左一分力。
年年都係咁，結果就係因為太溫和、冇威脅性，令香港民主進程毫無寸進﹗
03年71根本可以挾住民意去逼宮，結果就捉到鹿唔識脫角。
之後年年七一犯埋同一錯誤，主辦單位民陣仲帶頭叫人離開政府總部。
點解唔同佢抗爭到底呢﹖
只要有幾千人甚至幾萬人和平靜坐唔肯離開，唔通特衰政府真係可以出動坦克車咩﹖
點解要自動退讓呢﹖真係等下年再行咩﹖一年等一年，要等到邊一年呀﹖
所以話，今次佢地有人留低唔肯走，係正確決定。
今年人少，所以先會可以俾警方逐個抬走。
下年一定要號召所有參與遊行人士都堅持留低，只要有一萬人咁做，警方都好唔掂﹗ |
| | Posted 7/2/2009 3:07 AM - 98 Views - 12 eProps - 12 comments
- recommend
  - recs0
- share
- email
 - sent0
|
