| | 上星期在土瓜灣做義工幫手宣傳五區公投。
有個大陸女人行埋o黎問我，係咪只有香港人先可以投票，佢有冇投票權利﹖我唯有同佢講，唔好意思呀，要登記左做選民既香港永久性居 民先可以投票。佢立即面色一沉，流露出極度失望的表情，悻悻然咁離去。
香港人呀﹗全中國，只有我地可以投票選自己既議員，你手上既一票，看似微不足道，但你知唔知道，有幾多中國人連呢種小小既天賦權利都被剝奪﹖你又知唔知，有幾多中國人支 持公投活動，想來香港投票而不可得﹖行使我們的公民權利，在五一六投票，不但係要爭取普選，支持廢除功能組別，投呢一票，仲係為左香港下一代，同埋為十三億中國人而投﹗
今日入到票站，投邊個都唔係問題，重點係唔可以放棄自己手上既選擇權利﹗投一票，只係花你幾分鐘；但公投日唔投票，你日後可能會後悔一世﹗試諗下，有朝一日你仔女問你：爸爸媽媽，你地當年為普選付出過D咩呀﹖
你好意思同佢講，我當年連票都冇去投﹖
p.s：聽日我會投票俾大專2012(我個區 即係周澄)，唔係因為我係毒男(!)，而係希望佢唔會因為票數 太少而被沒收保證金。反正聽日既投票係投議題唔係投人，投長毛或者周澄都係一樣，516爭取真普選，廢除功能組別﹗(估計周妹妹會係五個大學生入面得票最多﹖) |
| | Posted 5/16/2010 2:37 AM - 592 Views - 10 eProps - 5 comments
Give eProps or Post a Comment |
